Oʻzbekcha ovozli yozuv
Istalgan ilovada tugmani bosing, oʻzbekcha gapiring — matn kursor turgan joyga oʻzi yoziladi. Telegram, brauzer, hujjat, xat — qayerda boʻlsangiz.
Dastur va oʻzbek tili modeli bitta faylda keladi. Internet faqat yuklab olish uchun kerak — oʻrnatgandan keyin butunlay internetsiz ishlaydi.
macOS 13+ · Apple Silicon va Intel
Diktovka tugmasi: ⌃ ⌥ D
Mac uchun yuklab olish.pkg · 751 MB · hammasi ichida
Windows 10 va 11 · 64-bit
Diktovka tugmasi: Ctrl Alt D
Windows uchun yuklab olish.exe · 816 MB · hammasi ichida
Ilova bepul
Bu ilova bepul va shunday qoladi — reklama yoʻq, obuna yoʻq, maʼlumotingiz sotilmaydi. Agar foydali boʻlsa va imkoningiz boʻlsa, qoʻllab-quvvatlashingiz mumkin. Majburiy emas, ilovaning hamma imkoniyatlari baribir ochiq.
Qoʻllab-quvvatlaganingiz uchun rahmat — bu keyingi yangilanishlarga va yangi loyihalarga yordam beradi.
Qanday ishlatiladi
Uch qadam. Boshqa hech narsa kerak emas.
- Kursorni matn yoziladigan joyga qoʻying — Telegram, brauzer, hujjat, farqi yoʻq
- Diktovka tugmasini bosing va oʻzbekcha gapiring
- Tugmani yana bosing — matn oʻsha joyga yoziladi
Windows: mikrofonni albatta tanlang
Windows'da standart qurilma baʼzan «Stereo Mix» boʻlib qoladi — u ovozingizni emas, kompyuterdagi ovozni yozadi va tushunarsiz matn chiqaradi.
Ilova birinchi ochilishda Sozlamalarni koʻrsatadi va bunday qurilmalarni ogohlantirib beradi. Bluetooth quloqchin ham aniqlikni pasaytiradi — imkon boʻlsa oddiy mikrofon ishlating.
Windows: «Model yuklab olinmadi» xatosi chiqsa
785 MB fayl uchun barqaror internet kerak. Ulanish uzilsa oʻrnatuvchi uch marta qayta uradi, keyin xato beradi. Ikkita yechim bor:
- Toʻliq versiyani yuklab oling — model uning ichida, internet umuman kerak emas (yuqoridagi havola)
-
Yoki modelni alohida yuklab oling (brauzer yoki yuklab
olish menejeri bilan — ular uzilishdan keyin davom ettiradi), soʻng
ggml-rubaistt.binfaylinisetup.exeturgan papkaga qoʻying va oʻrnatuvchini qayta ishga tushiring. U faylni oʻzi topadi.
Windows: «Windows protected your PC» chiqsa
Ilova hali kod imzosi sertifikati bilan imzolanmagan, shuning uchun Windows ehtiyot boʻladi. Bir martalik yechim:
- «Batafsil» / «More info» tugmasini bosing
- Keyin «Baribir ishga tushirish» / «Run anyway»
macOS: oʻrnatish qanday kechadi
Yuklab olingan .pkg faylni ikki marta bosing →
Continue → Install. macOS administrator
parolini soʻraydi — bu ilovani /Applications papkasiga joylash uchun.
Ilova Apple notarizatsiyasidan oʻtgan va imzolangan, shuning uchun «nomaʼlum dasturchi» ogohlantirishi chiqmaydi.
Oʻrnatilgach ilova oʻzi ishga tushadi va menyu satrida 🎙 ikonka paydo boʻladi — sozlamalar, fayl transkripsiyasi va donat shu yerda.
macOS: Accessibility ruxsati
Matn avtomatik joylashishi uchun bir marta ruxsat kerak: System Settings → Privacy & Security → Accessibility → «Kotib» ni qoʻshing va yoqing.
Windows'da bunday ruxsat kerak emas.
Nima uchun bu boshqacha
Ovozingiz hech qayerga yuborilmaydi.
Oʻzbek tiliga maxsus
rubaiSTT modeli — umumiy modellar emas, aynan oʻzbek nutqi uchun oʻqitilgan.
Toʻliq oflayn
Server yoʻq, internet kerak emas. Ovoz ham, matn ham qurilmangizda qoladi.
Har qanday videokartada
Windows'da NVIDIA, AMD va Intel — farqi yoʻq. Videokartasiz ham ishlaydi.
Sozlanadigan tugma
Diktovka tugmasi band boʻlsa yoki yoqmasa — Sozlamalardan oʻzgartiring.
Yengil
Menyu satrida jim turadi. Model uch daqiqa ishlatilmasa xotiradan boʻshaydi.
Ochiq kodli
Butun kod GitHub'da. Nima qilayotganini oʻzingiz tekshirishingiz mumkin.
Tezlik va aniqlik
Oʻlchangan qiymatlar — 208 soniyalik oʻzbek nutqi, RTX 3060 va Ryzen 7 5800X.
| Rejim | Vaqt | 10 s nutq uchun |
|---|---|---|
| Videokarta (Vulkan) | 25 s | ~1,2 s |
| Protsessor | 196 s | ~9,4 s |
Aniqlik: Google FLEURS oʻzbek toʻplamida soʻzlarning 83% toʻgʻri tanilgan. Bu yangiliklar uslubidagi murakkab matnlar — kundalik oddiy gaplarda aniqlik yuqoriroq.